चंदगड / सी. एल. वृत्तसेवा
चंदगड शहरासह आणि परिसराला सोमवारी चार वाजण्याच्या सुमारास वळवाच्या पावसाने सुमारे दोन तास झोडपून काढले. ढगांच्या गडगडाटात जवळपास दोन तास पाऊस पडत होता. यामुळे रस्त्यावरून पाणी वाहू लागले, तर लग्न सराई असल्याने बाजारहाट करण्यासाठी आलेल्या नागरिकांची धावपळ उडाली. पाऊस सुरू असतानाच वीजपुरवठा खंडित झाला होता. दरम्यान, या पावसामुळे उकाड्याने हैराण नागरिकांना दिलासा मिळाला आहे. दुपारी चारच्या सुमारास चंदगड शहर आणि परिसरात आभाळ भरून आले.
त्याचबरोबर ढगांचा गडगडाट सुरू झाला. पावसाला सुरुवात झाली. प्रारंभी पावसाचे मोठमोठे थेंब पडू लागले. त्यानंतर बघता बघता पावसाने जोर धरला. गेल्या दोन महिन्यांपासून चंदगड शहराला हुलकावणी दिलेल्या वळीवाने वातावरणात गारवा निर्माण झाला. त्यामुळे उकाड्याने हैराण झालेल्या नागरिकांना दिलासा मिळाला. या पावसामुळे पेरणीपूर्व मशागतीला वेग येणार आहे. हा पाऊस ऊस व काजू पिकांना लाभदायक ठरला आहे.
No comments:
Post a Comment