सुपे फाट्यानजीक ट्रक व एसटी अपघातात बसचालक ठार, अनेक प्रवाशी जखमी, मृतांची संख्या वाढण्याची भीती

 

अपघातग्रस्त बस

चंदगड / सी. एल. वृत्तसेवा

बेळगाव-वेंगुर्ला मार्गावर चंदगड तालुक्यातील सुपे फाट्यानजीक ट्रक व एसटी बस यांच्यात भीषण अपघात झाला. यामध्ये चंदगड एसटी आगाराचे चालक लक्ष्मण पांडुरंग हळदणकर (रा. चंदगड) हे जागीच मयत झाले. वाहकासह बसमधील अन्य ११ प्रवाशी गंभीर जखमी झाले असून मृतांची संख्या वाढण्याची भीती आहे. 

लक्ष्मण पांडुरंग हळदणकर

    घटनास्थळावरुन मिळालेली माहिती अशी की, हा अपघाता आज दिनांक २२ एप्रिल २०२५ रोजी दुपारी अडीजच्या दरम्यान झाला. यातील ४ गंभीर जखमींना उपचारासाठी बेळगाव येथे हलविण्यात आले आहे. तर अन्य ६ जखमी प्रवाशांना उपचारासाठी चंदगड येथे आणण्यात आले आहे. बसचे वाहक सुरेश मर्णहोळकर यांच्या डोक्याला गंभीर दुखापत झाल्याने त्यांना उपचारासाठी गडहिंग्लज येथे हलविण्यात आले आहे. 

सुपे फाट्यानजीक ट्रक व चंदगड डेपोच्या बसचा भीषण अपघात झाला. यामध्ये बसच्या समोरच्या बाजूचा चक्काचूर झाला. या अपघातात बसचालक लक्ष्मण हळदणकर जागीच मयत झाला. वाहक यांच्यासह अन्य बसमधील १० प्रवाशी गंभीर जखमी झाले आहेत. अपघात इतका भीषण होती की बसच्या केबीनचा चक्काचूर झाला आहे. बसमधील सीट तुटून बसच्या बाहेर पडल्या आहेत. ट्रकच्या केबीनचे नुकसान झाले आहे. अपघातानंतर बघ्यांनी एकच गर्दी केली होती. प्रत्येकाच्या तोंडातून चालकाबद्दल हळहळ व्यक्त होत होती.

    अपघाताच्या ठिकाणाची दृश्ये अपघाताची भीषणता किती होती हेच दाखवतात.