शेतकऱ्यांसाठी खुशखबर! या दिवशी मिळणार पी. एम. किसान सन्मान निधी योजनेचा २० वा हप्ता, तारीख जाहीर

 

मुंबई - विशेष वृत्तसेवा

    पीएम किसान सन्मान निधी योजनेच्या एप्रिल ते जुलै २०२५ या कालावधीतील २० वा हप्ता प्रधानमंत्री नरेंद्र मोदी यांच्या हस्ते शनिवार दि. २ ऑगस्ट २०२५ रोजी बनौली, शिवापूरी, वाराणशी (उत्तर प्रदेश) येथून वितरित करण्यात येणार आहे. 

     पीएम किसान योजनेचे आतापर्यंत १९ हप्ते पात्र शेतकऱ्यांना मिळाले आहेत. दिवसेनदिवस या योजनेचा लाभ घेण्यासाठी शेतकरी पीएम किसान सन्मान निधी योजनेसाठी अर्ज करत आहेत. मात्र सद्या काही जाचक अटी असल्यामुळे कागदपत्रे जमा करताना शेतकऱ्यांची दमछाक होत आहे. हा हप्ता देशातील सुमारे ९ कोटी ७० लाख शेतकऱ्यांच्या खात्यावर डीबीटीच्या माध्यमातून २० हजार ५०० करोड रुपये पात्र शेतकऱ्यांच्या आधार संलग्न बँक खात्यात थेट जमा होणार आहे. ई-केवायसी किंवा एएनपीसीआय न केलेल्या शेतकऱ्यांना २० व्या हप्त्याचा  लाभ मिळणार नाही.