चंदगड तालुक्यातील लहान मुले आरोग्याच्या दृष्टीने अनिरुद्धदादांनी दत्तक घ्यावे- पिनू पाटील

अनिरुध्द रेडेकर

दौलत हलकर्णी

नागरदळे येथे शिवसेना शाखा नागरदळे (ता. चंदगड )आणि केदारी रेडेकर धर्मादाय रुग्णालय यांच्या संयुक्त विद्यमाने आरोग्य शिबिराचे आयोजन करण्यात आले होते. त्याचे उद्घघाटन रेडेकर धर्मादाय रुग्णालयाचे उपाध्यक्ष व युवा नेते अनिरुद्ध रेडेकर याच्या हस्ते करण्यात आले.

" दुर्गम भागातील लोकांना आरोग्याच्या सुविधा पुरवण्याचे  काम केदारी रेडेकर धर्मादाय रुग्णालय उत्तमरित्या करतं आहेत. आरोग्याच्या दृष्टीने सर्वसामान्य नागरिकांना हाँस्पिटलचा खर्च पेलवतं नाही तरी अनिरुद्धदादांनी चंदगड तालुक्यातील मुले आरोग्यासाठी दत्तक घ्यावी. " असे प्रतिपादन युवासेना तालुका अध्यक्ष पिणु उर्फ प्रताप पाटील यांनी केले.  याप्रसंगी  शाखाप्रमुख परशुराम मुरकुटे, किरण कोकितकर, सुरेश पाटील, सरपंच दिलीप पाटील , लक्ष्मण मनवाडकर , गडहिंग्लज माजी उपतालुकाप्रमुख अमोल नार्वेकर, संजय संगपाळ, ग्रा.स. सोनार यांनी आभार मानले, शिबीराला ग्रामस्थ मोठ्या संख्येने उपस्थित होते.