तुर्केवाडी येथील महादेववराव बी. एड. कॉलेजमध्थे शिक्षक दिन उत्साहात

  

चंदगड / सी. एल. वृत्तसेवा 

       डॉ. सर्वपल्ली राधाकृष्णन व डॉ. जे. पी. नाईक या दोन्ही शिक्षण तज्ञांच्या जन्मदिनानिमित्त तुर्केवाडी येथील महादेवराव बी. एड. कॉलेजमध्ये शिक्षण दिन साजरा झाला. अध्यक्षस्थानी एन. जे. कांबळे होते.

   या कार्यक्रमात पॉलीटेक्निक चे प्रा. एस. पी. गावडे यांनी सर्वपल्ली राधाकृष्णन यांची शैक्षणिक कारकीर्द सांगितली व भविष्यात घडणाऱ्या शिक्षकांना शुभेच्छा दिल्या.

         यावेळी प्रा. ग. गो. प्रधान यांनी आई-वडील हे आपल्या आयुष्यातील पहिले गुरू तर शिक्षक हे दुसरे गुरु आहेत. शिक्षकांनी विद्यार्थ्यांना घडवताना शिक्षकाने प्रेम, जिव्हाळा देऊन घडवावे लागते.  शिक्षक हा त्यागी असला पाहिजे. बऱ्याच गोष्टींचा त्याग केल्यानंतर उत्तम शिक्षक तयार होतो असे मनोगत व्यक्त केले.

       शिक्षकांना आपले कर्तव्य नेहमी पार पाडता आले पाहिजे शिक्षक हा कर्तव्यशील तसेच क्षमाशील असला पाहिजे. शिक्षकांची विद्यार्थी- समाज- देशाशी बांधिलकी आहे. आज केवळ आपल्या देशापुरते मर्यादित न राहता जागतिक शिक्षक बनवण्यासाठी  प्रयत्न करणे गरजेचे आहे. कोणत्याही पेशापेक्षा शिक्षकी पेशा महत्त्वाचा आहे. असे अध्यक्षीय भाषणात प्रा. एन. जे. कांबळे यानी  मनोगत व्यक्त केले.

        मोहन चव्हाण यांनी प्रशिक्षणार्थी मनोगत केलं. संस्था अध्यक्ष महादेवराव वांद्रे, प्राचार्य एस. पी. गावडे, श्रीमती एस. आर. देशपांडे, वैभव पाटील, स्वप्निल सुतार प्रास्ताविक सुलोचना भोगण यांनी केले. सूत्रसंचालन स्नेहल सावंत, आभार मयुरी कांडर यांनी मानले.