चंदगड तालुकास्तरीय सांस्कृतिक महोत्सव उत्साहात संपन्न

 

चंदगड / सी. एल. वृत्तसेवा

     चंदगड पंचायत समिती शिक्षण विभागामार्फत तालुकास्तरीय सांस्कृतिक महोत्सव तडशिनाळ येथे मोठ्या उत्साहात संपन्न झाला. या महोत्सवाचे उद्घाटन अचल कॕश्यू प्रायव्हेट लिमिटेड तुर्केवाडीच्या डायरेक्टर अनुजा गिरीधर प्रभू यांनी केले. यावेळी कार्यक्रमाचे अध्यक्ष म्हणून शाळा व्यवस्थापन समितीचे अध्यक्ष रवींद्र कोनेवाडकर हे होते. 

      या कार्यक्रमाला तहसीलदार राजेश चव्हाण, गटविकास अधिकारी सुभाष सावंत, सरपंच पुंडलिक बोलके यांच्यासह तालुक्यातील प्राथमिक शिक्षक विभागाच्या विविध संघटनेचे प्रमुख पदाधिकारी उपस्थित होते. गटशिक्षणाधिकारी सौ. सुमन सुभेदार यांनी प्रास्ताविकामधून सांस्कृतिक महोत्सवाचा उद्देश स्पष्ट केला. 

         यावेळी विजेत्या स्पर्धकांना अचल कॕश्यू इंडस्ट्रीज मार्फत शील्ड व मेडल देऊन सन्मानित करण्यात आले. तर प्रशस्तीपत्र शाळा व्यवस्थापन समितीचे अध्यक्ष रवींद्र कोनेवाडकर यांच्या सौजन्याने विद्यार्थ्यांना वाटप करण्यात आले. २ दिवस चाललेल्या या सांस्कृतिक महोत्सवाचे नेटके नियोजन शिक्षण विस्तार अधिकारी सुभाष बिरांजे यांच्या मार्गदर्शनाखाली मुख्याध्यापक गोविंद चांदेकर, केंद्रप्रमुख बाळू प्रधान, जी. व्ही. जगताप यांनी केले होते.