मुख्यमंत्री देवेंद्र फडणवीस यांच्या वाढदिवसानिमित्त ईनाम सावर्डे येथे रक्तदान शिबीर उत्साहात संपन्न

 

चंदगड / सी. एल. वृत्तसेवा

    महाराष्ट्र राज्याचे लोकप्रिय मुख्यमंत्री देवेंद्रजी फडणवीस यांच्या वाढदिवसानिमित्त भारतीय जनता पार्टीच्या वतीने भाजपा कार्यालय, ईनाम सावर्डे येथे आयोजित करण्यात आलेले 'रक्तदान शिबीर' उत्साहपूर्ण वातावरणात संपन्न झाले. समाजोपयोगी उपक्रमांच्या माध्यमातून वाढदिवस साजरा करण्याच्या संकल्पनेला प्रतिसाद देत मोठ्या संख्येने रक्तदात्यांनी या शिबिरात उत्स्फूर्त सहभाग नोंदवला.

    रक्तदान हे सर्वोच्च समाजसेवेचे कार्य मानले जाते. या भावनेतून अनेक युवक, कार्यकर्ते आणि नागरिकांनी स्वयंस्फूर्तीने रक्तदान करून गरजू रुग्णांसाठी जीवनदान देण्याचा संकल्प व्यक्त केला. मुख्यमंत्री देवेंद्र फडणवीस यांच्या वाढदिवसानिमित्त सामाजिक बांधिलकी जपत रक्तदानासारखा विधायक उपक्रम राबविण्यात आल्याने उपस्थितांनी या उपक्रमाचे विशेष कौतुक केले.

यावेळी गडहिंग्लज कृषी उत्पन्न बाजार समितीचे सभापती भावकू गुरव, भाजपा जिल्हा प्रवक्ते संग्रामसिंह अडकूरकर, पंचायत समिती सदस्या सौ. सुवर्णा कुंभार, लक्ष्मण गावडे, चंदगड मंडल अध्यक्ष विशाल बल्लाळ, राहुल देवण, मायाप्पा पाटील, संजय गांधी निराधार समितीच्या अध्यक्षा सौ. भारतीताई जाधव, अमर नाईक, चंद्रकांत कुंभार, संतोष पाटील, पप्पु सोनुर्ले, चंद्रकांत किरमटे, पंकज पाटील, ऋषिकेश कुट्रे तसेच भाजपा पदाधिकारी, कार्यकर्ते आणि नागरिक मोठ्या संख्येने उपस्थित होते.

    मान्यवरांनी रक्तदात्यांचे कौतुक करत रक्तदानाचे सामाजिक महत्त्व अधोरेखित केले. नियमित रक्तदानामुळे अनेक गरजू रुग्णांचे प्राण वाचू शकतात, त्यामुळे प्रत्येकाने रक्तदानाचा संकल्प करावा, असे आवाहनही यावेळी करण्यात आले.

    शिबिराच्या यशस्वी आयोजनासाठी भाजपा पदाधिकारी, कार्यकर्ते, स्वयंसेवक तसेच रक्तपेढीच्या वैद्यकीय पथकाने विशेष परिश्रम घेतले. उपस्थितांनी मुख्यमंत्री देवेंद्र फडणवीस यांना वाढदिवसानिमित्त शुभेच्छा देत त्यांच्या निरोगी, दीर्घायुषी आणि यशस्वी सार्वजनिक जीवनासाठी सदिच्छा व्यक्त केल्या. समाजहिताच्या अशा विधायक उपक्रमांमुळे वाढदिवसाला सामाजिक सेवेची अर्थपूर्ण जोड मिळाल्याची भावना उपस्थितांनी व्यक्त केली.