व्हॉलीबॉलमध्ये पावसाळी क्रीडा स्पर्धेत दि न्यू इंग्लिश स्कूल अजिंक्य, जिल्हास्तरीय साठी निवड

शासकीय पावसाळी क्रीडा स्पर्धेत दि न्यू इंग्लिश स्कूलच्या यशस्वी विद्यार्थ्यांसह मार्गदर्शक शिक्षक.

दौलत हलकर्णी / प्रतिनिधी 

मजरे कार्वे (ता. चंदगड) येथे पार पडलेल्या चंदगड तालुका शासकीय पावसाळी क्रीडा स्पर्धेत दि न्यू इंग्लिश स्कूल व न. भु. पाटील ज्युनिअर कॉलेज चंदगडच्या १७ वर्षाखालील मुलींच्या संघाने प्रथम क्रमांक मिळवला. यामध्ये वृंदा सूर्यवंशी, प्रीती कांबळे, काजल दुकळे, सायली पाटील, अंजली देसाई, सानिका गावडे, श्रृती नाईक, श्रृती मांगले, पूजा खोत, अर्चना भोगण, श्रृती लोहार यांचा सहभाग होता. १४ वर्षाखालील मुलींच्या संघाने तृतीय क्रमांक पटकावला. १९ वर्षाखालील मुलांच्या व्हॉलीबॉल संघाने प्रथम क्रमांक पटकावला. या संघात अभिषेक कोरे, समर्थ गोरे, रोहन पाटील, विजय सिंह देसाई, राजू सातवणेकर, निरंजन शेटके, प्रथमेश गडकरी, पंकज नाईक, धीरज कुंभार, सिध्दार्थ गुळामकर, नरेंद्र पाटील या विद्यार्थ्यांनी सहभाग घेतला. १७ वर्षाखालील मुलींचा व १९ वर्षाखालील मुलांच्या संघाची जिल्हा स्तरासाठी निवड झाली आहे.  सर्व खेळाडूंचे  प्राचार्य व्ही. जी. तुपारे, उपप्राचार्य ए. जी. बोकडे, पर्यवेक्षक एस. आर. देवण यांनी अभिनंदन केले. या सर्व खेळाडूंना क्रीडा शिक्षक टी. व्ही. खंदाळे, एन. डी. हदगल, व्ही. टी. पाटील व माध्य.व ज्युनिअर  विभागाच्या शिक्षकांचे मार्गदर्शन लाभले.