 |
| घरात शिरलेला बिबट्या |
नंदकुमार ढेरे / चंदगड
तिलारीनगर (ता. चंदगड) जवळ असलेल्या कळसगादे पैकी बांदराई धनगरवाड्यात रामु भागु लांबोर यांच्या घरात कुत्र्याचा पाठलाग करत शिरलेल्या बिबट्याने सहा तास नागरिकांचा श्वास रोखून धरला.प्रंसगावधन राखून लांबोर यांनी बाहेर पडून दाराची कडी लावल्याने अनर्थ टळला.
मात्र धोका न पत्करता वनविभागाने एका दरवाजास पिंजरा लावला व मोठयाने आरडा -ओरडा करुन हुसकावले मात्र बिबट हालचाल दिसुन आली नाही. त्यानंतर सदर घरात कुत्रे सोडणेत आले व सभोवतालच्या खिडकी मधुन बॅटरीच्या प्रकाशात संपुर्ण घर शोधले मात्र काहीच सुगावा न लागलेने अनेर धाडसाने वनविभागाने घरमालकासह आत मध्ये जाऊन खात्री केली असता, खिडकी जवळील ओरखडे, विसखटलेले साहित्य, उचकटलेले खिडकीचे रिलींग तसेच तेथे बिबटयाचे लागलेले व पडलेले केस यावरुन बिबट पहाटेचा अंधार, पाऊस, धुक्याचा फायदा घेऊन बिबट मुळ अधिवासात निघुन गेला. यामध्ये श्री.लांबोर यांच्या प्रापंचीक साहित्याची मोठया प्रमाणात नासधुस केली आहे. वायर पटटया तोडल्या आहेत . स्पिकर फोडले आहेत. अन्न धान्य, भाजीपाला नासाडी केली आहे. खिडकी दरवाज्याच्या काचा फोडल्या आहेत. पण सुदैवाने यामध्ये कोणतेही पशुधन किंवा माणसास इजा केली नाहीत. तसेच सदर बिबट ही सुखरुप निसर्गात निघुन गेला आहे.वनक्षेत्रपाल पी. ए. आवळे वनपाल बी. आर. भांडकोळी, वनपाल डि. एच. पाटील वनरक्षक डि. एम. बडे, वनमजुर, मोहन तुपारे, तुकाराम गुरव व इतर कर्मचारी उपस्थित होते . Rescue Team चे डॉ. वाळवेकर व त्यांची टीम यांनी देखील सदर मोहिम पार पाडणेस विशेष मेहनत केली. बांदराई धनगरवाड्यावर यापुढे काही दिवस वनविभागाचे पथक गस्त घालणार आहेत. तरीही नागरीकांनी सावधानी बाळगावी असे आवाहन वनक्षेत्रपाल पी. ए. आवळे यांनी केले आहे.
No comments:
Post a Comment