 |
| मराठा सेवा संघाच्या कोल्हापूर येथील विभागीय आढावा बैठकीची सुरवात राजमाता जिजाऊंच्या प्रतिमा पूजनाने झाली. यावेळी उपस्थित पदाधिकारी. |
कालकुंद्री : सी. एल. वृत्तसेवा
मराठा समाजाच्या प्रगतीसाठी महाराष्ट्र शासनाची 'सारथी' योजना अत्यंत महत्त्वाची आहे. या योजनेचा लाभ कसा मिळवावा याची माहिती मराठा सेवा संघ व त्याचे ३३ कक्ष तळागाळापर्यंत पोहोचवेल असे प्रतिपादन मराठा सेवा संघाचे प्रदेशाध्यक्ष विजयकुमार घोगरे यांनी केले. ते कोल्हापूर येथील शासकीय विश्रामगृहावर कोल्हापूर, सांगली, सातारा, सोलापूर, रत्नागिरी, सिंधुदुर्ग जिल्ह्यातील मराठा सेवा संघ व संघ प्रणित ३३ कक्षांच्या पदाधिकारी विभागीय आढावा बैठकीत अध्यक्ष स्थानावरून बोलत होते.
बैठकीस उपजिल्हाधिकारी वैभव नावडकर, एस एन पाटील, अशोकराव खाडे, जिल्हा संघटक सुशांत निकम, संभाजी ब्रिगेडचे जिल्हाध्यक्ष रुपेश पाटील, राजाराम देसाई, अजय भोसले, मधूकर बिरंजे अभिजीत पवार, गणपती अडसूळ आदींची उपस्थिती होती. सुत्रसंचलन जिल्हा प्रवक्ते शहाजी देसाई यांनी केले. आभार जिल्हा संघटक सुशांत निकम यांनी मानले.
No comments:
Post a Comment