 |
| बोलताना सचिव एम. एम. तुपारे |
चंदगड / सी. एल. वृत्तसेवा
“भाषणकला ही केवळ वक्तृत्वाची नव्हे तर व्यक्तिमत्त्व घडविण्याची आणि विचारांना धार लावण्याची एक अद्भुत कला आहे,” असे प्रतिपादन खेडूत शिक्षण मंडळाचे सचिव एम. एम. तुपारे यांनी केले. ते खेडूत चषक वक्तृत्व स्पर्धा २०२५ च्या उद्घाटन प्रसंगी प्रमुख पाहुणे म्हणून बोलत होते.
ते पुढे म्हणाले, “एखाद्या व्यक्तीची ओळख तिच्या विचारांवर आणि त्या विचारांना मांडण्याच्या शैलीवर अवलंबून असते. योग्य विचार योग्य शब्दांत मांडले गेले, तर ते समाजमन जिंकून इतिहास घडवू शकतात. आजच्या विद्यार्थ्यांनी अभ्यासाबरोबरच विचार मांडण्याची सवय आणि आत्मविश्वास विकसित करणे आवश्यक आहे.”
कार्यक्रमाच्या अध्यक्षस्थानी प्राचार्य एन. डी. देवळे होते. त्यांनी आपल्या अध्यक्षीय भाषणात सांगितले की, “वक्तृत्वकलेमुळे विद्यार्थ्यांमध्ये नेतृत्वगुण, विचारशक्ती आणि आत्मविश्वास वाढतो. समाजात प्रभावी व्यक्तिमत्त्व घडविण्यासाठी भाषणकला ही महत्त्वाची शैक्षणिक दिशा आहे.”
स्पर्धेचा हेतू स्पष्ट करताना खेडूत शिक्षण मंडळाचे ज्येष्ठ संचालक म्हणाले, “विद्यार्थ्यांच्या सर्वांगीण विकासासाठी संवादकौशल्य आणि विचारमांडणीचे प्रशिक्षण आवश्यक आहे. या स्पर्धेच्या माध्यमातून विद्यार्थ्यांना स्वतःचे विचार प्रभावीपणे मांडण्याची संधी मिळते.”
महात्मा फुले विद्यालय मजरे कारवे येथे संस्थांतर्गत आयोजित या स्पर्धेत मराठी आणि इंग्रजी या दोन भाषांमध्ये एकूण १०३ विद्यार्थ्यांनी सहभाग नोंदवला. विद्यार्थ्यांनी समाज, शिक्षण, तंत्रज्ञान, संस्कार, पर्यावरण संवर्धन, आणि स्त्रीसक्षमीकरण यांसारख्या विषयांवर प्रभावी विचार मांडले. काही विद्यार्थ्यांनी उदाहरणांसह वास्तवाशी निगडित भाषणे करून उपस्थितांचे लक्ष वेधले.
स्पर्धेचे परीक्षण एम. एम. गावडे, सतीश बोकडे, महादेव शिवणगेकर, रवि पाटील, बी. एन. पाटील, प्रा. तेलगोटे, एस. डी. सप्ताळे, के. डी. बारवेलकर आणि जयवंत पाटील या परीक्षक मंडळाने केले. परीक्षकांनी विद्यार्थ्यांच्या आत्मविश्वासपूर्ण सादरीकरणाचे आणि भाषेवरील प्रभुत्वाचे कौतुक केले.
कार्यक्रमाचे सूत्रसंचालन संजय साबळे यांनी प्रभावीपणे केले, तर आभार प्रदर्शन पर्यवेक्षक टी. एस. चांदेकर यांनी मानले.
No comments:
Post a Comment