चंदगड : सी. एल. वृत्तसेवा
चंदगड नगरपंचायतीच्या वतीने केंद्र सरकारच्या 'पीएम स्वनिधी' (PM SVANidhi) योजनेअंतर्गत विशेष अभियान आणि लोककल्याण मेळाव्याचे आयोजन उत्साहात करण्यात आले. या मेळाव्याला नागरिकांचा उत्स्फूर्त प्रतिसाद लाभला.
कार्यक्रमाला चंदगड नगरपंचायतीच्या मुख्याधिकारी श्रीमती शिल्पाराणी जाधव, नगराध्यक्ष सुनील काणेकर आणि उपनगराध्यक्ष सौ. आयेशा नाईकवाडी यांची प्रमुख उपस्थिती लाभली. यावेळी नगरपंचायतीतील सर्व नगरसेवक, नगरसेविका, अधिकारी व कर्मचारी उपस्थित होते.
मेळाव्यात पीएम स्वनिधी योजनेची सविस्तर माहिती नागरिकांना देण्यात आली. या योजनेद्वारे लघु व फेरीवाले व्यावसायिकांना आर्थिक सहाय्य उपलब्ध करून देऊन त्यांचा व्यवसाय अधिक सक्षम करण्यावर भर देण्यात आला. तसेच विविध शासकीय लोककल्याणकारी योजनांची माहिती नागरिकांपर्यंत पोहोचविण्यात आली.
कार्यक्रमास शहरातील नागरिक, महिला, कार्यकर्ते तसेच ग्रामस्थ मोठ्या संख्येने उपस्थित राहिले. उपस्थित मान्यवरांनी शासनाच्या विविध योजनांचा लाभ घेऊन आर्थिक व सामाजिक प्रगती साधण्याचे आवाहन केले.
No comments:
Post a Comment