ओलम - हेमरस मार्फत मंगळवारी शेतकरी मेळावा व शेती अवजारांचे प्रदर्शन

कालकुंद्री / प्रतिनिधी

राजगोळी खुर्द (ता. चंदगड) येथील ओलम ऍग्रो इंडिया प्रायव्हेट लिमिटेड साखर कारखाना (हेमरस ) मार्फत मंगळवार दिनांक 28 रोजी सकाळी दहा वाजता कारखाना कार्यस्थळावर शेतकरी मेळावा तसेच शेती उपयोगी साधने व अवजारांचे प्रदर्शन आयोजित करण्यात आले आहे. युनिट हेड भरत कुंडल यांच्या अध्यक्षतेखाली संजय संचेती काउंटरी हेड ओलम यांच्या हस्ते उद्घाटन होणार आहे. यावेळी साखर सहसंचालक सचिन रावल , जिल्हा कृषी अधिकारी ज्ञानदेव वाकोरे, ऊस सल्लागार आर पी सिंग, प्रकल्प व्यवस्थापक मोहम्मद दिलशाद, तहसीलदार रणवरे आदी मान्यवर उपस्थित राहणार आहेत. यावेळी अरुण देशमुख यांचे ऊस ठिबक सिंचन , शास्त्रज्ञ एस बी माने यांचे कीड-रोग नियंत्रण विषयावर तर आबासाहेब साळुंखे यांचे अन्नद्रव्य व्यवस्थापन विषयावर व्याख्यान व मार्गदर्शन होणार आहे . तरी कार्यक्रमाला शेतकरी, ऊस उत्पादक बांधवांनी मोठ्या संख्येने हजर रहावे असे आवाहन युनिट हेड भरत कुंडल, एच आर हेड जस्विर सिंह राखा, मुख्य शेती अधिकारी सुधीर पाटील यांनी केले आहे.