आंतरराज्य सिमा तपासणी नाक्यावर माध्यमिक शिक्षकांची नियुक्ती

दड्डी येथील चेक नाक्यावर असलेला बंदोबस्त.

तेऊरवाडी (प्रतिनिधी) 

जिल्हाधिकारी तथा अध्यक्ष आपत्ती व्यवस्थापन कोल्हापूर यांनी दिलेल्या सुचनेनुसार कोरोना विषाणूचा प्रादुर्भाव या घातक रोगाच्या प्रतिबंधात्मक  उपाययोजनेसाठी कर्नाटक - गोवा राज्यातून चंदगड तालुक्यात प्रवेश करणाऱ्या मार्गावर आंतरराज्य सिमेलगतच्या चंदगड तालूक्यातील काही  हायस्कूलमधील १२ माध्यमिक शिक्षकांचा समावेश तपासणी पथकात करण्यात आलेला आहे . त्यामूळे माध्यमिक शिक्षक आता पोलीसांच्या भूमिकेत देशसेवा करत आहेत. 

राज्यात लॉक डाऊन चालू झाल्यानंतर दि १५ एप्रिल  २o२oपासून माध्यमिक शिक्षकांची नियूक्ती दड्डी , शिनोळी व कोदाळी येथील चेकनाक्यावर लावण्यात आली आहे . येथे दिलेल्या वेळेत बंदोबस्त कामकाज पार पाडण्याचे आदेश लागू करण्यात आले आहेत .कोरोनाच एक भयंकर संकट सर्वासमोर उभं राहिलेलं आहे . यामध्ये डॉक्टर्स , पोलिस ,नर्सेस , आरोग्यसेविका , अंगणवाडी सेविका,यांचे कार्य व योगदान उतुलनीय आहेच . त्यामध्ये आंतरराज्य सिमा तपासणी नाका पथकात माध्यमिक शिक्षकांचा समावेश करण्यात आलेला आहे . पण सदर शिक्षकांना कोणतेही प्रशिक्षण नाही .ओळखपत्र , गणवेश ,नाहीत . त्यातच १०वी व १२वीचे बोर्ड परीक्षेच्या उत्तर तपासणीचे कामकाज आहे . यामध्येच आतंरराज्य सिमा तपासणी नाका पथकात रात्री ८-००ते सकाळी ८- ०० व सकाळी ८-००ते रात्री ८-००पर्यंत बारा -बारा तासांची अखंड ड्यूटी१५ /०४ / २०२०पासून करण्यासाठी आदेश प्राप्त झालेले आहेत आणि सदर आदेश हे फक्त १२ शिक्षकांसाठीच आहेत आणि तेही विना प्रशिक्षण . चंदगड तालूक्यात ७२ शाळा असून त्यातील इतर काही शिक्षकांनाही रोटेशन पद्धतीने एक -दोन दिवसासाठी ५ते ६ तासासाठी आदेश काढले असते तर सर्वांनाच हे कोरोनाच संकट दूर करण्यासाठी आनंदाने सहभाग घेऊन हातभार लावला असता व सदर १२ शिक्षकही तणावमुक्त राहिले असते .  कोरोनाच्या लढ्यासाठी अहोरात्र झटत  असणाऱ्या यादीमध्ये आता माध्यमिक शिक्षकही आहेत . पण या तपासणी नाक्यावर काम करणाऱ्या कर्मचाऱ्याना विशेषतः माध्यमिक शिक्षकांना कोणतेच संरक्षण नाही .  इतर कर्मचाऱ्याप्रमाणे माध्यमिक शिक्षक सुद्धा रोज रात्री १२ तास ड्यूटी करत आहेत. यामूळे या सर्वाना सुविधा देण्याची मागणी चंदगड तालूका  माध्यमिक शिक्षक संघटनेकडून करण्यात आली आहे.