माजी आमदार संध्यादेवी कुपेकर व डाॅ. नंदाताई बाभुळकर यांच्याकडून पी. पी. ई. किटचे वितरण

गडहिंग्लज येथील रुग्णांलयातील डाॅक्टरांना पी .पी. ई किटचे वितरण करताना मान्यवर.

तेऊरवाडी / प्रतिनिधी

चंदगड विधानसभा मतदारसंघाच्या माजीआमदार श्रीमती संध्यादेवी कुपेकर  यांचेकडुन गडहिंग्लज व चंदगड तालुक्यातील कोविड 19( COVID 19) च्या संक्रमनास प्रतिबंध करण्याकरिता जे वैद्यकिय अधिकारी काम करित आहेत. त्यांना योग्य सुरक्षा मिळावी व पुर्ण कार्यक्षमतेने काम करता यावे. याकरिता पी. पी. ई. किटस् व फेस शिल्डस् (PPE KIT & FACE SHIELDS) चे वाटप गडहिंग्लज येथील उपजिल्हा रुग्णालय व चंदगड ग्रामीण रूग्णांलयात  करण्यात आले. यावेळी गडहिंग्लज येथील उपजिल्हा रूग्णालयाचे वैद्यकीय अधिक्षक डाॅ. आंबोळे व चंदगड ग्रामीण रूग्णालयाचे वैद्यकीय अधिकारी डॉ. सुहास साने यांचेकडे एकुण असे 40 पी. पी. ई. किटस् (PPE KIT) व 50 फेस शिल्डस् (FACE SHIELDS) सुपूर्द करण्यात आले.

यावेळी पंचायत समिती उपसभापती सौ. श्रिया कोणकेरी, माजी उपसभापती सौ. बनश्री चौगुले, कोल्हापूर जिल्हा मजुर संघाचे संचालक उदयराव जोशी, राजेश पाटील-औरनाळकर, युवक अध्यक्ष  राकेश पाटील-मुत्नाळकर,  दशरथ कुपेकर, भीमराव राजाराम,  विकी कोणकेरी,  दयानंद देवाण,  राहुल देसाई,  प्रवीण सातवेकर आदि उपस्थित होते.