दि न्यू इंग्लिश स्कूलच्या संजय साबळे यांना गुणवंत साहित्यिक पुरस्कार

संजय साबळे

तेऊरवाडी / सी. एल. वृत्तसेवा

      अखिल भारतीय शिक्षक साहित्य कला क्रीडा, संघ कोल्हापूर यांच्याकडून दि न्यू इंग्लिश स्कूलचे उपक्रमशिल शिक्षक संजय साबळे यांना सन२०२० ऑनलाईन ई पुरस्कार  जाहिर झाला आहे. 

        संजय साबळे यांनी विद्यार्थ्याच्या लेखन व वाचन कौशल्यासाठी वेगवेगळे उपक्रम राबविले आहेत. आतापर्यंत त्यांची दहा पुस्तके प्रकाशित झाली आहेत. तर 'बालसाहित्य' या विषयावर पीएचडीच्या प्रबंधासाठी सौ. निवेदिता माने कोल्हापूर यांनी' *आठवणींच्या हिंदोळ्यावर, दप्तरातल्या चारोळ्या, प्रतिज्ञा मंत्र, शब्द शिंपल्यातील मोती* ' या संजय साबळे यांच्या पुस्तकांचा संदर्भ ग्रंथ म्हणून उपयोग केला आहे. प्रसिद्ध बालसाहित्यिक डॉ. सुरेश सावंत यांनी 'साहित्य सोनियाच्या खाणी ' या लेखमालेतून ' आठवणींच्या हिंदोळ्यावर व दप्तरातील चारोळ्या ' या दि न्यू इंग्लिश स्कूलच्या मुलांनी लिहिलेल्या कथांची दखल बालसाहित्यिंकाना घ्यायला लावली. संजय साबळे यांना मिळालेल्या पुरस्काराबद्दल प्राचार्य आर. आय. पाटील, उपप्राचार्य ए. जी. बोकडे, पर्यवेक्षक एस. जी. सातवणेकर यांनी अभिनंदन केले.