 |
| अलबादेवी (ता. चंदगड) येथे बैलांची गोंडे बांधुन पूजा करताना परशराम चौकुळकर व सौ.संगीता चौकूळकर हे शेतकरी कुटुंब |
चंदगड / प्रतिनिधी (नंदकुमार ढेरे)
चंदगड तालुक्यात महाराष्
बारा महिने तेरा काळ शेतात राब राब राबणाऱ्या बैलाचा आज आनंदाचा दिवस .चंदगड तालुक्यात बैलपोळा हा सण आज उत्साहाने साजरा करण्यात आला. दमदार पावसाच्या सरी असल्याने या सणावर थोडे विरजण आले असले तरी शेतात राबणाऱ्या बैलाच्या बैल मालकाने अतिशय उत्साहानं काही ठिकाणी सजावट करून त्यांची पूजा केली. दाराला पिंपळाच्या पाण्याचे तोरण बांधून घराचा उंबरा सजवला जातो. चंदगडच्या पूर्व भागात कर्नाटकी बेंदूर सण साजरा केला जातो तर पश्चिम भागामध्ये महाराष्ट्रीयन बेंदूर साजरा केला जातो .आज बैलजोडी मालकांनी बैलांना सकाळीच गरम पाण्याची आंघोळ घालून शिंगे रंगवून कपाळी बाशिंगे बांधली होती आणि शिंगाना गोंडे बांधून बैलांची सजावट केली होती .काही हौशी बैल मालकाने खूप सुंदर अशा बैलांना सजवलं होतं. बाहेर पावसाचा जोर असल्याने घरीच बैलांची भक्तिभावे पूजा करून त्यांना गोड नैवेद खाण्यास देण्यात आला. वास्तविक पाहता बेंदूर -बैलपोळा हा सण संपूर्ण महाराष्ट्रात पुरण पोळीचा निवेदने साजरा होत असतो परंतु संपूर्ण चंदगड तालुक्यात मात्र हा सण मांसाहारी जेवणाचा बेत आखून साजरा केला जातो.
No comments:
Post a Comment