पुरातून वाहून गेलेल्या त्या दोघांचे मृतदेह अखेर सापडले, नागरदळे व तळगुळी गावावर शोककळा

मृतदेह सापडल्यानंतर घटनास्थाळी ग्रामस्थांनी केलेली गर्दी

तेऊरवाडी / सी. एल. वृत्तसेवा

         ढोलगरवाडी व घुल्लेवाडी  (ता. चंदगड) येथील ओढ्याला आलेल्या पुराच्या पाण्यातून एक युवक व एक महिला वाहून गेली होती. या दोघांचाही  दोन दिवस शोध लागू न शकल्याने चिंता वाढली होती. पण आज तिसऱ्या दिवशी या दोघांचेही मृतदेह सापडल्याने शोध मोहीम संपली. या शोध  मोहिमेत ग्रामस्थासह चंदगडच्या आपदा टिमने विशेष परश्रम घेतले.

           गुरूवारी दि. २३ रोजी सायंकाळच्या सुमारास नागरदळे येथील एअर इंडियामध्ये नोकरीला असलेला युवक अभिषेक संभाजी पाटील ढोलगरवाडी  येथे ओढयाला आलेल्या पाण्यातून वाहून गेला होता. गेले दोन दिवस शोध मोहिम राबवूनही तो सापडू शकला नव्हता. आज घटनास्थळापासून जवळपास काही अंतरावर असणाऱ्या लक्ष्मी शेताजवळचा ओढयाचा पात्रात झाडाच्या मूळामध्ये अभिषेकचा मृतदेह सापडला. नागरदळे येथील युवकांनी गेल्या दोन दिवसांपासून त्याला शोधण्यासाठी प्रयत्नाची पराकाष्ठा केली होती. दरम्यान, आज पावसाने उसंत घेऊन पाणी पातळी कमी झाल्यावर या शोधमोहिमेला यश आले. या शोधमोहिमेत सरपंच दिलीप पाटील, उत्तम पाटील, जयसिंग पाटील, एकनाथ पाटील, अनिल मणगुतकर, विठ्ठल पाटील, कडलगे (खु) गावचे पोलीस पाटील राजेंद्र पाटील, पुंडलिक मारुती पाटील यांनी सहभाग घेतला. याबाबत माहिती मिळताच चंदगड पोलीस ठाण्याचे पो. ना. जमिर मकानदार व अमोल पाटील यांनी घटनास्थळी भेट देत पंचनामा केला. मृतदेहाची वैद्यकिय तपासणीसाठी चंदगडला पाठवण्यात आला आहे.

         तर घुल्लेवाडी येथे ओढयाला आलेल्या पुराच्या पाण्यातून सुनिता पांडूरंग कंग्राळकर ही तळगुळीची महिला वाहून गेली होती. तीचाही दोन दिवस शोध लागला नव्हता. यामुळे कुंटूंबियासह प्रशासन चिंताग्रस्थ बनले आहे. त्यातच ताम्रपर्णीला महापूर आल्याने शोधमोहिमेत अडथळे निर्माण झाले होते. पण घुल्लेवाडी त्याच ओढ्यात झाडात अडकलेला सुनिताचा मृतदेह  आढळून आला. हा मृतदेह सुद्धा कोवाड पोलीसानी पंचनामा  वैद्यकिय तपासणी करीता चंदगडला पाठविण्यात आला आहे. या  दोन्ही घटनेचा तपास पो. हे. काँ. कुशाल शिंदे व अमर सायेकर करत आहेत.