किणी ग्रामपंचायतीच्या नियमबाहय कामाविरोधात गटविकास अधिकाऱ्यांकडे तक्रार

तेऊरवाडी / सी .एल. वृत्तसेवा

          किणी (ता. चंदगड) येथे कोणालाही विश्वासात न घेता बेकायदेशीर कामे चालू आहेत. नियमबाह्य कामांची चौकशी करण्याची मागणी येथील सामाजिक कार्यकर्ते प्रविण गणाचारी यानी चंदगड गटविकास अधिकाऱ्याकडे एका निवेदनद्वारे केली आहे.

        दिनांक 12/08/2021 रोजी आर. सी. सी. रस्ता केलेला असून त्या कामा संदर्भात कोणतीही जाहीरात किंवा निविदा न मागविता कामकाज केलेले आहे. मनमानी निविदा न मागविता एखाद्या व्यक्तीला काम देणे किंवा आपल्या मर्जीतील व्यक्तीला टेंडर देणे हे बेकायदेशीर आहे. अशा पद्धतीने किणी ग्रामपंचायतींच्या माध्यमातून आधी काम करायचे व नंतर तांत्रिक व कागदोपत्री पुर्तता करायची अशी उलट पद्धत चालू केलेली आहे. तसेच मागासवर्गीय वस्तीत काम करताना मागासवर्गीय सदस्यांना न विचारता मनमानी व कमी दर्जाचे आर.सी‌. सी.गटर केलेले आहे. अशा पद्धतीच्या बेकायदेशीर कामांची चौकशी करुन कायदेशीर कारवाई करण्यात यावी अशी मागणी गटविकास अधिकारी, चंदगड यांचेकडे अर्जाद्वारे सामाजिक कार्यकर्ते प्रविण गणाचारी यांनी केली आहे.