जयराम मास्तरांच्या कुटुंबाचे शैक्षणिक क्षेत्रात मोठे योगदान - भरमूअण्णा पाटील, कडलगे येथे सौ. अनिता पाटील यांचा सेवानिवृत्ती कार्यक्रम

अध्यापिका सौ. अनिता रामचंद्र पाटील यांचा सत्कार करताना मान्यवर.

कालकुंद्री : सी. एल. वृत्तसेवा

           कडलगे बुद्रुक (ता. चंदगड) येथील प्राथमिक शिक्षक जयराम मास्तर यांच्या कुटुंबाचे चंदगड तालुक्यातील शैक्षणिक क्षेत्रात मोठे योगदान आहे. त्यांचे शिक्षक असलेले मुलगे व सुना यांनीही शैक्षणिक कार्यास वाहून घेतले असे प्रतिपादन माजी रोजगार हमी योजना राज्यमंत्री भरमूअण्णा पाटील यांनी केले. ते विद्यामंदिर कडलगे बुद्रुक (ता. चंदगड) येथील शाळेच्या अध्यापिका सौ. अनिता रामचंद्र पाटील यांच्या सेवानिवृत्ती कार्यक्रमात प्रमुख पाहुणे म्हणून बोलत होते. अध्यक्षस्थानी शाळा व्यवस्थापन समिती अध्यक्षा रोहिणी चंद्रकांत पाटील होत्या.

         स्वागत मुख्याध्यापिका सुधा पाटील यांनी केले. प्रास्ताविक अध्यापिका सुभद्रा संजय पाटील यांनी केले. शालेय विद्यार्थ्यांच्या ईशस्तवन स्वागत गीतानंतर माजी जि. प. सदस्या सुजाता पाटील व सामाजिक कार्यकर्ते एम. जे. पाटील या दांपत्याच्या हस्ते सौ. अनिता यांचा सपती गौरव करण्यात आला. यावेळी गोपाळराव पाटील, वसंत जोशीलकर, सदानंद पाटील, प्राचार्य ए. एस. पाटील, ॲड. एस. एल. पाटील, सुजाता पाटील, शि. ल. होणगेकर, माजी शिक्षक बँक संचालक शिवाजी पाटील, सत्कारमूर्ती सौ. अनिता पाटील तसेच त्यांचे पती रामचंद्र जयराम पाटील आदींची भाषणे झाली.

             या प्रसंगी माजी उपसभापती मनीषा शिवणगेकर, इंजिनिअर अमोल कुट्रे, विनायक पाटील, जी. व्ही. दैठणकर, रमेश हुद्दार, सरपंच सुधीर गिरी, अडत व्यापारी प्रकाश शंकरराव पाटील, जि प सदस्य कल्लाप्पाण्णा भोगण, अध्यापक बाबुराव धामणेकर, रोहिदास पाटील, द. ना. नाईक, माजी सैनिक उत्तम पाटील, आप्पाराव पाटील, श्रीकांत वै पाटील, सुखदेव भातकांडे, मनोहर नारायण पाटील, तालुक्यातील विविध शाळांचे मुख्याध्यापक, शिक्षक, आजी माजी केंद्रप्रमुख, विविध संस्थांचे पदाधिकारी, कडलगे ग्रामस्थांची उपस्थिती होती. कार्यक्रमाचे सूत्रसंचालन विलास शंकर पाटील यांनी केले. आभार अनिल जयराम पाटील यांनी मानले.