कोवाड येथील कला, वाणिज्य आणि विज्ञान महाविद्यालयाच्या खेळाडू व प्रशिक्षकाची अभिनंदनीय निवड

चंदगड / सी. एल. वृत्तसेवा

जत येथील आर आर कॉलेज येथे झालेल्या अंतर विभागीय मैदानी स्पर्धेतून कोवाड (ता. चंदगड) येथील महाविद्यालयाच्या कू. प्राजक्ता परशराम शिंदे व सुशांत मनोहर जेधे या दोन खेळाडूंची व महाविद्यालयाचे क्रीडा प्रशिक्षक आर. टी. पाटील यांची डॉ. बाबासाहेब आंबेडकर मराठवाडा विद्यापीठ औरंगाबाद येथे दि. 3 ते 7 डिसेंबर 2022 ला आयोजित केलेल्या 24 व्या महाराष्ट्र राज्य क्रीडा महोत्सवासाठी शिवाजी विद्यापीठ संघात निवड झाली आहे.

      कोल्हापूर येथील सराव शिबिरानंतर शिवाजी विद्यापीठ संघ औरंगाबादला रवाना झाला. खेळाडूंना संस्था अध्यक्ष डॉ. ए. एस. जांभळे, सचिव एम. व्ही. पाटिल, एन. एस. पाटिल, संस्थेचे संचालक व सभासद आणि प्राचार्य डॉ. एम. एस. पवार  यांनी अभिनंदन केले व शुभेच्छा दिल्या.