चंदगड / सी. एल. वृत्तसेवा
तेऊरवाडी (ता. चंदगड) येथील माध्यमिक विद्यालयात तुर्केवाडीच्या महादेवराव बी.एड. कॉलेजच्या विद्यार्थ्यांचा आंतरवासीता उद्घाटन समारंभ संपन्न झाला. या कार्यक्रमाच्या अध्यक्षस्थानी शाळेचे मुख्याध्यापक एम. बी. पाटील तर प्रमुख मार्गदर्शक म्हणून महादेवराव बीएड कॉलेजचे प्रभारी प्राचार्य एन. जे. कांबळे हे उपस्थित होते.
'बदलत्या काळाला अनुसरून, सृजनशील व जिज्ञासू वृर्तीचा विद्यार्थी तयार करण्याचा प्रयत्न शिक्षकांनी केला पाहिजे' असे प्रतिपादन एन. जे.कांबळे यांनी केले. 'शालेय आंतरवासीता कालावधीतील प्रत्येक अनुभव भावी काळासाठी छात्र अध्यापकांना दिशादर्शक ठरेल त्यामुळे नाविन्यपूर्ण उपक्रम राबविण्याचा सर्वांनी प्रयत्न करावा' असे मार्गदर्शन मुख्याध्यापक पाटील यांनी केले.
No comments:
Post a Comment