कळसगादे येथील अशोक दळवी यांनी पटकावला सलग ६ वर्षे एमडीआरटी अमेरिका होण्याचा बहुमान, एमडीआरटी संमेलनासाठी निवड

अशोक दळवी

चंदगड / सी. एल. वृत्तसेवा

       मूळचे कवी आणि लेखक असलेल्या कळसगादे (ता. चंदगड) येथील अशोक दळवी यांनी चंदगड तालुक्याच्या पश्चिम भागामध्ये एलआयसीचे  काम करून सलग ६ वर्ष एलआयसीचा मानाचा एमडीआरटी अमेरिका हा  हा किताब पटकावून चंदगडच्या पश्चिम भागामध्ये इतिहास घडवला आहेत. यामुळे त्यांची यावर्षी कॅनडामध्ये होणाऱ्या एमडीआरटी संमेलनासाठी निवड झाली आहे. 

एमडीआरटी अमेरिका होण्याचा बहुमान कळसगादे (ता. चंदगड) येथील अशोक दळवी यांनी पटकावल्याबद्दल त्यांचा मूनस्टोन या सामाजिक फाउंडेशनच्या वतीने त्यांचा सत्कार करण्यात आला. 

    अशोक दळवी चंदगडच्या ग्रामीण भागामध्ये गेली १९ वर्ष विम्याच्या माध्यमातून विमा सेवा व सल्ला देण्याचे काम करत आहेत. ग्रामीण भागामध्ये विमा व्यवसाय करून एमडीआरटी होणं खूप अवघड असतं. तरीही प्रामाणिकपणा, अभ्यासू वृत्ती, योग्य सेवा या माध्यमातून ते आत्तापर्यंत २३०० लोकांना विम्याची सर्विस देतात. त्यांच्या या कार्याबद्दल त्याचे सर्वत्र कौतुक होत आहे. 

      त्यांच्या या कार्याची दखल घेवून मूनस्टोन या सामाजिक फाउंडेशनचे सदस्य विजय मोरे, विवेक पाटील, दीपक माईनकर, श्री. बोरुगले, कृष्णकांत पिलारे, श्री. बोरगुले, रतन वारंग, विजय पाटील आदी व्यक्तींनी अशोक दळवी यांचा शाल श्रीफळ देऊन सत्कार केला.