 |
| चंदगड ग्रामीण रुग्णांलयात पत्रकारांच्या आरोग्य तपासणी कार्यक्रमावेळी बोलाताना पोलीस निरिक्षक विश्वास पाटील, शेजारी नायब तहसिलदार हेमंत कामत,वैद्यकीय अधिकारी डॉ.जोएब मकानदार, आगार प्रमुख सतीश पाटील व पत्रकार संघाचे अध्यक्ष श्रीकांत पाटील |
चंदगड : सी. एल. वृत्तसेवा
पत्रकारांच्या निर्भीड बातम्यांमुळे समाज व प्रशासनाचे आरोग्य सुदृढ व निरोगी राहते. तसेच जगातील सर्वात मोठी भारतीय लोकशाही मजबूत राहिली आहे. असे प्रतिपादन चंदगड पोलीस स्टेशनचे पोलीस निरीक्षक विश्वास पाटील यांनी केले. ते मराठी पत्रकार परिषदेच्या ८५ व्या वर्धापन दिनानिमित्त ग्रामीण रुग्णालय चंदगड येथे आयोजित चंदगड तालुक्यातील पत्रकारांच्या आरोग्य तपासणी कार्यक्रमाच्या उद्घाटन प्रसंगी अध्यक्ष स्थानावरून बोलत होते.
 |
| पुरस्कार मिळाल्याबद्दल पत्रकार संपत पाटील यांचा सत्कार करतानाग्रामीण रुग्णालय चंदगडचे वैद्यकीय अधिकारी डॉ.जोएब मकानदार व इतर अधिकारी. |
कार्यक्रमाच्या सुरुवातीस आद्य पत्रकार बाळशास्त्री जांभेकर यांच्या प्रतिमेचे पूजन व दीपप्रज्वलन मान्यवरांच्या हस्ते करण्यात आले. उपस्थित मान्यवरांचे स्वागत पत्रकार संघाचे अध्यक्ष श्रीकांत पाटील यांनी केले. प्रास्ताविकात पत्रकार परिषदेचे राज्य कार्यकारिणी सदस्य अनिल धुपदाळे यांनी चंदगड पत्रकार संघाच्या ३० वर्षातील कार्याचा आढावा घेतला. यावेळी पुढे बोलताना पोलीस निरीक्षक म्हणाले मी आत्तापर्यंत नऊ पोलीस स्टेशन मध्ये सेवा केली असून यापैकी चंदगड पोलीस स्टेशन अंतर्गत असलेले पत्रकार समाजासाठी झटून काम करणारे आहेत. येथील या पत्रकार संघाचे सांघिक कामही समाजाभिमुख राहिले आहे. त्यामुळे त्यांना दोन राज्य पुरस्कारांनी सन्मानित करण्यात आले आहे. ही चंदगड तालुक्याला भूषणावह गोष्ट आहे. असे गौरवोद्गार त्यांनी काढले. यावेळी उपस्थित नायब तहसीलदार हेमंत कामत म्हणाले पत्रकार हा लोकशाहीचा चौथा स्तंभ आहे. चंदगड मधील पत्रकार आमच्या प्रशासनातील चुका निदर्शनाला आणण्याबरोबरच चांगल्या कार्यांना प्रसिद्ध देत आले आहेत.
 |
| पुरस्कार मिळाल्याबद्दल पत्रकार संतोष भोसले यांचा सत्कार करताना नायब तहसिलदार हेमंत कामत व इतर अधिकारी. |
 |
| पुरस्कार मिळाल्याबद्दल पत्रकार संघाचे अध्यक्ष श्रीकांत पाटील यांचा सत्कार करताना पो. नि. विश्वास पाटील व इतर अधिकारी. |
No comments:
Post a Comment