विनापरवाना लाकूड मालाची वाहतूक, २ लाख ८३ हजारांचा मुद्देमाल जप्त, दोघावर वनगुन्हा नोंद, चंदगड वनविभागाची कारवाई

चंदगड / सी. एल. वृत्तसेवा

    नागणवाडी -वाळकोळी – गंर्धवगड रस्त्यावर वाळकोळी फाट्यावर ट्रॅक्टर व विना क्रमांकाची पिवळ्या रंगाची ट्रॉली मधुन इंजायली इमारती लाकडाची विनापरवाना वाहतुक केली. या प्रकरणी तुफेल इकबाल कदीम (रा डोणेवाडी) व लाकुड खरेदीदार  अजरुद्दीन रजाक सय्यद (रा. नेसरी) या दोघावर वनगुन्हा नोंद करण्यात आला आहे. यामध्ये ट्रॅक्टर, ट्रॉली व लाकुड असा २ लाख ८३ हजार ६४३ रुपयांचा मुद्देमाल जप्त केला आहे. चंदगड वनविभागाने हि कारवाई केली. रविवारी दि. २ नोव्हेंबर २०२५ रोजी हि घटना घडली. 

यासंदर्भात वनविभागाकडून मिळालेली माहिती अशी की, नागणवाडी -वाळकोळी - गंर्धवगड रस्त्याने गस्त घालत असता वाळकोळी गावचे हद्दीतील वाळकोळी फाट्या नजिक ट्रॅक्टर व विना क्रमांकाची पिवळ्या रंगाची ट्रॉली मधुन इंजायली इमारती लाकुड माल नग २३/५.२३८ घ.मी. वाहतुक करीत असताना मिळुन आला. मोक्यावर ट्रॅक्टर चालक तुफेल इकबाल कदीम (रा डोणेवाडी) लाकुड खरेदीदार अजरुद्दीन रजाक सय्यद (रा. नेसरी) यांना सदर लाकुड माल वाहतुकीसाठी व झाडेतोडीसाठी परवाना घेतला किंवा कसे या बाबत विचारणा केली असता त्यांनी कोणत्याही प्रकारचा पास परवाना मोक्यावर दाखवला नाही. त्यानुसार भारतीय वन अधिनियम १९२७ व महाराष्ट्र वन नियमावली २०१४ मधील तरतुदीनुसार ट्रॅक्टर व विना क्रमांकाची पिवळ्या रंगाची ट्रॉली व त्या मधील इंजायली इमारती लाकुड माल नग २३/५.२३८ घ.मी. जप्त करुन ताब्यात घेवून दोघावर वनगुन्हा नोंद करण्यात आला. चंदगड वनविभागाने हि कारवाई केली. यामध्ये १. ट्रॅक्टर -१ (MH०९GM५०८४) अंदाजे किंमत-२०००००/-, २. विना क्रमांकाची पिवळ्या रंगाची ट्रॉली -१अंदाजे किंमत-५००००/-, ३. इंजायली इमारती लाकुड माल नग २३/५.२३८ घ.मी. अंदाजे किंमत-३३६४३/- असे एकूण २ लाख ८३ हजार ६४३ रुपयांचा मुद्देमाल जप्त केला आहे. 

वरील दोघा संशयिताविरुध्द वनविभागाचे वनरक्षक सागर कोळी यांनी आपले कडील प्र.गु.रि.नं.टी.०३/२०२५ दि.०२/११/२०२५ चा वनगुन्हा नोंद केला आहे. या गुन्ह्यांचा तपास चंदगडचे वनक्षेत्रपाल तु. र. गायकवाड व वनपाल के. एस. डेळेकर हे करत आहेत. सदरची कार्यवाही धैयशिल पाटील (उपवनसंरक्षक, कोल्हापुर वनविभाग कोल्हापुर),  विलास काळे (सहा. वनसंरक्षक, कोल्हापुर वनविभाग कोल्हापुर), तु. र. गायकवाड, (वनक्षेत्रपाल चंदगड) यांचे मार्गदर्शनाखाली श्री. के. एस. डेळेकर (वनपाल चंदगड), सागर कोळी, (वनरक्षक चंदगड) व नितीन नाईक, सचिन कांबळे व आकाश गडकरी (वनसेवक) आदींनी केली.

वनविभागाचे नागरीकांना आवाहन 

नागरीकांना आव्हान करणेत येते कि, अवैध वृक्षतोड, अवैध वाहतुक अवैध शिकार,  अवैध अतिक्रमण,  जंगल क्षेत्रात वनवणवा याच माहिती मिळताच नजिकचे वनविभागाचे कार्यालयाशी संपर्क साधावा. तसेच वनविभागाचे टोल फ्रि क्रमांक १९२६ वर तात्काळ माहिती देवुन सहकार्य करावे आपले नाव गोपणीय ठेवण्यात येईल.