 |
| शिवाजी पाटील |
राज्याचे किराणा बाजार व दुकाने मंडळ मुंबई, महाराष्ट्र राज्य सामाजिक सुरक्षा मंडळ, भाजपा बेस्ट कामगार संघ, भाजपा सुरक्षारक्षक कामगार संघ, भारतीय जनता माथाडी व जनरल कामगार संघाचे अध्यक्ष शिवाजी पाटील शक्तीप्रदर्शनासह चंदगड विधानसभा मतदारसंघातून गुरुवारी (ता. 3) सकाळी दहा वाजता चंदगड बाजारपेठेतून रॅली काढून अर्ज भरणार आहेत, अशी माहीती ॲड. विजय कडुकर यांनी दिली.
शिवाजी पाटील यांनी माथाडी कामगारांची संघटना बांधून 2014 मध्ये भाजपमध्ये प्रवेश केला. यावेळी त्यांनी आपली माथाडी संघटना भाजपमध्ये विलीन केली. यावेळी संघटित कामगारांची संघटना बांधून भाजपा बेस्ट युनियन (मुंबई) व एअरपोर्ट कामगार युनियनची स्थापना केली. भारतीय जनता पार्टीच्या जेष्ठ नेत्यांच्या आदेशाप्रमाणे पक्ष वाढीसाठी त्यांनी वेळेवेळी प्रयत्न केले आहेत. त्यांनी गुजरात राज्यासह महाराष्ट्रातील सांगली व अन्य महानगरपालिका, नगरपालिकांमध्ये पक्ष संघटना वाढीचे काम केले आहे. श्री. पाटील यांनी पक्षासाठी केलेल्या कामाचा विचार करुन त्यांना असंघटित कामगार सुरक्षा मंडळ (महाराष्ट्र शासन) व किराणा बाजार व दुकाने मंडळावरही सदस्य म्हणून निवड केली आहे. श्री. पाटील हे मुळचे चंदगड तालुक्यातील इनाम सावर्डे गावचे असल्याने त्यांची नाळ चंदगड तालुक्याशी जुळलेली आहे. त्यांनी पुरकाळात चंदगड तालुक्यातील लोकांच्या मदतीला धावून येवून सामाजिक बांधिलकी जपली. श्री. पाटील यांनी विविध माध्यमातून त्यांनी चंदगड तालुक्यातील लोकांची कामे केली आहेत. या जोरावर ते निवडणुकीसाठी अर्ज भरत आहेत.
No comments:
Post a Comment