आमदार राजेश पाटील यांच्या हस्ते शेतकऱ्यांना मोफत गॅसचे वितरण करताना वनक्षेत्रपाल डी. जी. राक्षे, इंडेन गॅस एजन्सी मालक प्रविण वाटंगी, तानाजी गडकरी आदी.
चंदगड / सी. एल. वृत्तसेवा
मौजे कानूर खुर्द (ता. चंदगड) येथे डॉ . शामप्रसाद मुखर्जी जन वन विकास अंतर्गत आमदार राजेश नरसिंगराव पाटील यांच्या हस्ते ५७ नविन लाभार्थी ना मोफत गॅस कनेक्शनचे वितरण करण्यात आले . यावेळी चंदगड चे वनक्षेत्रपाल डी. जी. राक्षे, कानूरचे वनपाल ए. डी. वाजे, चंदगड वेणुगोपाल एजस्नीचे मालक प्रविण वाटंगी आदी मान्यवर उपस्थित होते.
यावेळी बोलताना वनक्षेत्रपाल डी. जी. राक्षे म्हणाले, ``या योजनेचा मुख्य भाग हा वनावरील ताण कमी करणे हा आहे . तसेच वनतोड थांबून मानव व वन्य प्राणी यांचा संघर्ष कमी करण्यासाठी हा उपक्रम आहे . या योजनेत २५ % रक्कम ही लाभार्थी कडून घेऊन ७५ % रक्कम शासनाने दिली आहे . यानंतर सर्व लाभार्थीना दोन गॅस टॉक्या ,लाईट र , शेगडी , पाईप व रेग्यूलेटर देण्यात आले . तसेच वर्षभरात १२ वेळा या टॉक्या भरून देण्यात येणार आहेत . त्यामूळे शेतकरी इंधन गोळा करण्यासाठी वनात जायचा थांबेल आणि शेतकरी व जंगली प्राणी संघर्ष कमी होईल .
आमदार राजेश पाटील म्हणाले , शासनाची खूप छान योजना आहे . या योजनेचा लाभ पात्र लाभार्थी वर्गाने घ्यावा . या योजनेमुळे वन संवर्धनाला गती मिळणार आहे . शासनाच्या माध्यमातून जास्तीत जास्त योजना सर्वसामान्य शेतकऱ्यापर्यंत पोहचवणार असल्याचे सांगून वन्यप्राणि व शेतकरी संघर्ष कमी करण्यासाठी विविध अपाययोजना राबवणार असल्याचे आमदार पाटील यानी सांगितले. यावेळी सरपंच , उपसरपंच , ग्रामस्थ , वन विभागाचे कर्मचारी उपस्थित होते.
No comments:
Post a Comment