१९७१ च्या युद्धात कालकुंद्री येथील शहीद जवानाला ग्रामस्थांचे अभिवादन

 

केंद्रीय प्राथमिक शाळा कालकुंद्री समोर स्वातंत्र्याच्या अमृत महोत्सवानिमित्त स्थापित शीला फलकाचे अनावरण करताना सरपंच उपसरपंच यांच्यासह आजी-माजी सैनिक व मान्यवर.

कालकुंद्री : सी. एल. वृत्तसेवा

    'माझी माती माझा देश' उपक्रमांतर्गत भारतीय स्वातंत्र्याच्या अमृत महोत्सवानिमित्त शहीद जवान को परशराम सट्टूप्पा पाटील ( चिरमुरकर) यांच्या स्मृति शिला फलकाचे कालकुंद्री (ता. चंदगड) येथे अनावरण करण्यात आले.  

गावातील सर्व आजी-माजी सैनिकांनी परशराम पाटील यांच्या घरासमोरील स्मारकास अभिवादन केले.

    कालकुंद्री येथील जवान परशराम पाटील १९७१ च्या भारत पाकिस्तान युद्धात शहीद झाले होते. कालकुंद्री सह कोल्हापूर जिल्हा व देशाच्या इतिहासात त्यांचे नाव अमर झाले आहे. ग्रामपंचायत कालकुंद्री यांच्या वतीने आयोजित कार्यक्रम केंद्रीय प्राथमिक शाळा कालकुंद्री आवारात संपन्न झाला. यावेळी सरपंच, उपसरपंच, सर्व सदस्य, ग्रामसेवक, गावातील आजी-माजी सैनिक संघटनेचे पदाधिकारी व सदस्य, मुख्याध्यापक, शिक्षक तसेच शहीद जवानाच्या कुटुंबातील सदस्य व ग्रामस्थ मोठ्या संख्येने उपस्थित होते.