![]() |
ग्रामपंचायत कालकुंद्री येथे ध्वजारोहण करताना सरपंच छाया जोशी सोबत उपसरपंच संभाजी पाटील, ग्रामसेवक दत्ता नाईक, सदस्य, ग्रामस्थ, विद्यार्थी व कर्मचारी |
कालकुंद्री : सी एल वृत्तसेवा
कालकुंद्री (ता. चंदगड) येथे ७६ वा भारतीय प्रजासत्ताक दिन उत्साहात साजरा करण्यात आला. ग्रामपंचायत कालकुंद्री येथे सरपंच छाया जोशी यांच्या हस्ते ध्वजारोहण करण्यात आले. स्वागत उपसरपंच संभाजी पाटील यांनी तर प्रास्ताविक ग्रामसेवक दत्ता नाईक यांनी केले. केंद्रीय प्राथमिक शाळा कालकुंद्री च्या विद्यार्थ्यांनी ध्वज गीत, समूहगीते सादर केली. यावेळी ग्रामपंचायतचे सर्व सदस्य आजी-माजी सैनिक, केंद्र शाळेचे मुख्याध्यापक व शिक्षक अंगणवाडी सेविका मदतनीस विविध संघटना व संस्थांचे पदाधिकारी, ग्रामस्थ मोठ्या संख्येने उपस्थित होते. केंद्रीय प्राथमिक शाळा येथे ध्वजारोहण प्रसंगी विविध परीक्षा, क्रीडा व सांस्कृतिक स्पर्धेत यश मिळवलेल्या विद्यार्थ्यांना बक्षीसे देण्यात आली. श्री सरस्वती विद्यालय व लोकनेते तुकाराम पवार ज्युनिअर कॉलेज तसेच श्री कलमेश्वर विकास सेवा संस्था येथेही ध्वजारोहण कार्यक्रम उत्साहात पार पडला. माजी सैनिक संघटनेचे संस्थापक अध्यक्ष विष्णू पाटील यांनी आभार मानले.
फोटो
विकास सेवा संस्था ध्वजारोहण प्रसंगी संस्थेचे सर्व पदाधिकारी व कर्मचारी
No comments:
Post a Comment