तारेवाडी लिंगदेव दूध संस्थेला गोकुळ संचालकांची भेट, विविध समस्यांवर चर्चा

तारेवाडी येथील श्री लिंगदेव दूध संस्था भेटी प्रसंगी गोकुळ'चे संचालक युवराज पाटील, नावीद मुश्रीफ, किसन चौगुले, उपाध्यक्ष दिनकर पाटील आदी मान्यवर.

नेसरी : सी एल वृत्तसेवा

     तारेवाडी (ता. गडहिंग्लज) येथील ४२ वर्षांपूर्वी स्थापन झालेल्या श्री लिंगदेव दुध संस्थेला गोकुळचे संचालक युवराज पाटील, नावीद मुश्रीफ, किसन चौगुले यांनी भेट देऊन दूध उत्पादन वाढ, कामकाजातील अडचणी आदी विषयांवर चर्चा केली. यावेळी झालेल्या बैठकीच्या अध्यक्षस्थानी संस्थेचे उपाध्यक्ष दिनकर पाटील होते.  संचालकानी  गोकुळच्या विविध कल्याणकारी योजनांची माहिती देऊन दूध उत्पादकांचे प्रश्न जाणून घेतले. माजी ग्रामपं. सदस्य दादासाहेब पाटील यांनी स्वागत केले. सचिव संदीप पाटील यांनी प्रास्ताविक केले. यावेळी  जिल्हा संकलन अधिकारी कृष्णकांत आमटे, पशु संवर्धन अधिकारी अविनाश जोशी, पशुवैद्यकिय अधिकारी संजय गावडे, तालुका दुध संकलन अधिकारी बापूसाहेब देसाई,  सुपरवायझर अनिल पवार,  संजय पाटील, जयवंत दावणे, बाबूराव धुमाळे, ज्ञानदेव पाटील, गिरीश रेडेकर, राजन पाटील,  परशराम देसाई, संगिता पाटील, अंजना पाटील,  वैजयंता पाटील, महेश तुपूरवाडकर, आदर्श पाटील आदी उपस्थित होते. सोनिया पाटील यांनी सूत्रसंचालन केले. संचालक संभाजी मेटकर यांनी आभार मानले.