राज्य कामगार असोसिएशनच्या गुणवंत कामगार भूषण पुरस्काराने प्रभाकर कांबळे सन्मानित, तर राजेंद्र जाधव, तुळशीदास सन्नके व दिपक शिंगरे यांना सहकार भूषण

 

चंदगड / सी. एल. वृत्तसेवा

    राज्य गुणवंत कामगार असोसिएशन चे मुंबई जिल्हाध्यक्ष, वनिता फाउंडेशनचे संस्थापक अध्यक्ष, विशेष कार्यकारी अधिकारी, गुणवंत कामगार प्रभाकर तुकाराम कांबळे(रामपुर) यांना सन २०२५सालचा राज्यस्तरीय कामगार भूषण पुरस्काराने सन्मानित करण्यात आले"

    विधान परिषदेचे विरोधी पक्ष गटनेते माजी ग्रहमंत्री आमदार सतेज उर्फ बंटी पाटील यांच्या हस्ते शाल सन्मानचिन्ह व सन्मानपत्र देऊन सन्मानित करण्यात आले.यावेळी सम्यक वैद्यकीय व शिक्षण चॅरिटेबल ट्रस्टचे संस्थापक अध्यक्ष राजेंद्र सहदेव जाधव व सहकारातील दिग्गज व्यक्तिमत्व, सहकार तज्ञ तुळशीदास सन्नके, संस्कार को-ऑपरेटिव्ह क्रेडिट सोसायटी, जनविकास वैद्यकीय व शिक्षण चॅरिटेबल ट्रस्टचे अध्यक्ष दिपक शिंगरे यांना" राज्यस्तरीय सहकार पुरस्काराने गौरवण्यात आले

    "राज्य गुणवंत कामगार असोसिएशन महाराष्ट्र राज्य व जागृत नागरिक सेवा संस्था महाराष्ट्र यांच्या संयुक्त विद्यमाने राजश्री शाहू महाराज यांच्या १५१ व्या जयंती निमित्त कोल्हापूर दसरा चौक येथील शाहू स्मारक भवन सभागृहात राज्य व राष्ट्रीय पुरस्कार वितरण सोहळा आयोजित करण्यात आला होता. श्रमिक शिक्षण एज्युकेशन बोर्ड चे चेअरमन डॉ. रविकांत पाटील, राज योगिनी ब्रह्माकुमारी सुनंदा दीदी, कोल्हापूरचे सहाय्यक कामगार आयुक्त विशाल घोडके, कामगार कल्याण अधिकारी विजय शिंगाडे निर्मिती विकास मंचचे अध्यक्ष अनिल महामने, राज्य गुणवंत कामगार असोसिएशनचे राज्य सचिव अच्युतराव माने यांच्या प्रमुख उपस्थितीत व राज्य गुणवंत कामगार असोसिएशनचे राष्ट्रीय अध्यक्ष सुरेश केसरकर यांच्या अध्यक्षतेखाली पुरस्कार वितरण सोहळा पार पडला.

         या पुरस्कार वितरण सोहळ्याला महाराष्ट्रातील ३६ जिल्ह्यातील विविध क्षेत्रात उल्लेखनीय कामगिरी करणाऱ्या गुणवंत व्यक्तिमत्त्वाचा पुरस्कार देऊन गौरव करण्यात आला असून मुंबईतील गुणवंत कामगार बाळकृष्ण तावडे, राजेंद्र कांबळे, संजय तावडे, केरबा डावरे, प्रसन्न पारकर, दत्तात्रय शिरोडकर, भरत सकपाळ, संपत तावरे, अनिल तावडे आदी मान्यवरांना ही राष्ट्रीय व राज्य पुरस्काराने सन्मानित करण्यात आले.