आचार्य अत्रे साहित्य पुरस्कार कोल्हापूरचे माजी जिल्हाधिकारी लक्ष्मीकांत देशमुख यांना

लक्ष्मीकांत देशमुख

चंदगड : सी. एल. वृत्तसेवा

   सार्वजनिक वाचनालय, बेळगाव या संस्थेतर्फे दरवर्षी देण्यात येणारा प्रतिष्ठेचा 'आचार्य अत्रे साहित्य पुरस्कार' ज्येष्ठ साहित्यिक लक्ष्मीकांत देशमुख (पुणे) यांना जाहीर करण्यात आला आहे. २५ हजार रुपये रोख, मानचिन्ह व प्रशस्तीपत्र असे पुरस्काराचे स्वरूप आहे. सदर साहित्य पुरस्कार वितरण सोहळा रविवार दि. ७ सप्टेंबर २०२५ रोजी सकाळी १२ वाजता सार्वजनिक वाचनालय सभागृह, गणपत गल्ली, बेळगाव येथे आयोजित करण्यात आलेला आहे . लक्ष्मीकांत देशमुख हे कोल्हापूरचे माजी जिल्हाधिकारी असून ते निवृत्त आयएएस अधिकारी आहेत. ते बडोदा येथे झालेल्या अखिल भारतीय मराठी साहित्य संमेलनाचे अध्यक्षही होते.

   देशमुख यांना 'पानीपत'कार विश्वास पाटील (मुंबई), श्री. अरुण साधू (मुंबई), डॉ. जयसिंगराव पवार (कोल्हापूर), श्री. उत्तम कांबळे (नाशिक), कॉ. कृष्णा मेणसे (बेळगाव), डॉ. सदानंद मोरे (पुणे), पद्मश्री मधु मंगेश कर्णिक (मुंबई), श्री. सतीश काळसेकर (मुंबई), श्री. कुमार केतकर (मुंबई), श्री. विष्णू सूर्या वाघ (गोवा), डॉ. आ. ह. साळुंखे (सातारा), रावसाहेब कसबे (नाशिक), डॉ. राजन गवस (गारगोटी), मनस्विनी लता रवींद्र (मुंबई), श्री. प्रवीण बांदेकर (सावंतवाडी), श्री. महादेव मोरे (निपाणी), ॲड. रमाकांत खलप (गोवा) व प्रा. कृष्णात खोत (कोल्हापूर) यांनाही या पुरस्काराने सन्मानित करण्यात आले होते.