माजी सभापती कै. कृष्णा बाळू पाटील यांच्या नवव्या स्मृतिदिनानिमित्त निट्टूर येथे रविवारी " जीवन सुंदर आहे"या विषयावर प्रा. गणेश शिंदे यांचे व्याख्यान

चंदगड / सी एल वृत्तसेवा

      निट्टूर (ता. चंदगड) येथील रहिवाशी व पं. स. चे माजी सभापती, सर्वोदय शिक्षण सस्थेचे संस्थापक अध्यक्ष कै. कृष्णा बाळू पाटील यांच्या नवव्या स्मृतिदिनानिमित्त निट्टूर येथे शनिवार व रविवार, दि. १० व ११ जानेवारी २०२६ रोजी विविध कार्यक्रमांचे आयोजन करण्यात आले आहे. शनिवार, दि. १० जानेवारी रोजी सायंकाळी ७ वाजता महिलांसाठी हळदी-कुंकू कार्यक्रम होणार असून त्यानंतर हरिपाठाचे आयोजन करण्यात आले आहे. रात्री ९ वाजता श्री ज्योतिर्लिंग महिला हरिपाठ मंडळ, निदूर तर रात्री १० वाजता श्री भावेश्वरी महिला परिपाठ मंडळ, निदूर यांच्या वतीने हरिपाठ सादर करण्यात येणार आहे. रविवार, दि. ११ जानेवारी रोजी सायंकाळी ७ वाजता “एक सन्मान सौख्याचा” या संकल्पनेतून देशसेवेसाठी योगदान दिलेल्या सर्व माजी सैनिकांचा कृतज्ञता सन्मान सोहळा आयोजित करण्यात आला आहे. तर रात्री ८ वाजता गणेश शिंदे सर (अहमदनगर) यांचे “जीवन सुंदर आहे” या विषयावर प्रेरणादायी व्याख्यान होणार आहे. कै कृष्णा बाळू पाटील यांनी सामाजिक, शैक्षणिक व ग्रामीण विकासासाठी दिलेल्या योगदानाची आठवण म्हणून हे कार्यक्रम आयोजित करण्यात आले असून, या कार्यक्रमांना सर्व ग्रामस्थांनी मोठ्या संख्येने उपस्थित राहावे, असे आवाहन पाटील फौंडेशन, यांच्या वतीने करण्यात आले आहे.